Чаллының 5нче шәһәр хастаханәсе табиблары йөрәге уң якта урнашкан пациентка ярдәм иткән. ТР сәламәтлек саклау министры Альмир Абашев МАКСтагы каналында шул хакта хәбәр итте, дип яза «Татар-информ».
Чаллыда яшәүче 37 яшьлек ир-атның коронавирус инфекциясе кичергәннән соң хәле начарая башлаган.
«Без диагностик тикшеренүләрнең тулы комплексын уздырдык. Ир-атның аритмиядән интегүе ачыкланды. Йөрәк авыруы көчәю нәтиҗәсендә бөер һәм бавыр эшчәнлеге начарайган», – дип сөйләде 5нче шәһәр хастаханәсе кардиологы Альбина Бәшәрова.
Табиблар ир-атның хәлен тотрыкландырган. Соңыннан аны Мәскәүдәге академик Шумаков исемендәге Трансплантология һәм ясалма органнар үзәгенә җибәргәннәр. Пациентка электрокардиостимулятор урнаштырганнар, радиоешлыклы абляция ясаганнар.
Бүген ир-ат көн саен консультациягә килә, анализлар тапшыра.
Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.
Related
- Татарстан Рәисе Дәрвишләр бистәсендә «БлагоДарю» социаль адаптация үзәгендә булды
- Белгеч этнең кешедәге яман шешне ничек билгели алуы турында сөйләгән
- Путин балалы гаиләләргә 18 айга кадәр ипотека каникуллары бирү турында закон имзалады
- Рөстәм Миңнеханов “Абилимпикс” чемпионатының ярышлар мәйданчыкларында булды
- Депутат ТКХ өчен квитанцияләр форматын сайлау хокукы булырга тиешлеген әйтте
