Россия фән һәм югары белем министры Валерий Фальков әйтүенчә, Казанда узучы Россия венчур форумына карата кызыксыну елдан-ел арта.
«Ике дистә ел вакыт эчендә РВФ технологик үсешнең көн тәртибен формалаштыручы, инвестицияләр җәлеп итүче һәм тарафдарларын берләштерүче мөһим мәйданга әверелде. Аңа карата кызыксыну елдан-ел арта. Быел форумда 6 меңнән артык кеше катнаша, 200ләп страртап-проект тәкъдим ителгән», – диде ул.
Валерий Фальков сүзләренә караганда, «РВФ-2026»ның төп темасы – технологик лидерлык. «Ул илебез алдында торган төп бурычны чагылдыра. Технологик лидерлык эзлекле эштән туплана һәм бу эштә үзләренә җаваплылык алып, белем һәм тәҗрибәне берләштерүче, яңа чишелешләр уйлап табучы кешеләргә аерым урын бирелә», – диде ул.
Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.
Related
- Фәрит Мөхәммәтшин: «Татарстан – илнең өстәмә эшче көчкә мохтаҗ эре сәнәгать үзәкләренең берсе»
- Министр Альмир Абашев Түбән Камада зыян күргән ике пациентның хәле турында хәбәр итте
- Туристлык объектларында кунакларның ташламага ия булуларын МАХ аша тикшереп була
- Валентина Матвиенко шәһәрләрне иске автобуслардан арындырырга чакырган
- «Хәләл» стандарты комитеты рәсми рәвештә «хәләл сертификаты органы» статусын алды
