Казанда котыру авыруына каршы язгы вакцина ясау чаралары тәмамланды. 2 апрельдән 17 майга кадәр 2 044 хайванга – 1 050 мәчегә һәм 994 эткә прививка ясалган. Профилактика эшләре Казанның барлык район бистәләрендә алып барылган.
Вакцина ясаудан тыш, мобиль пунктларда чип кую һәм хайваннарны теркәү хезмәте күрсәтелгән – әлеге мөмкинлектән 286 кеше файдаланган.
Казанның Дәүләт ветеринария берләшмәсендә күчмә акцияләрнең клиникага бармыйча гына хайваннарны авырудан саклап калуның уңайлы ысул булуын искә төшерәләр.
Казанда бистәләргә килеп йорт хайваннарына көзге вакцина ясау эшләре сентябрь аена билгеләнгән.
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
Related
- Рөстәм Миңнеханов: «Заманча инфраструктура – авыл территорияләрен үстерү өчен мөһим шарт»
- Татарстан Рәисе Пилотсыз авиация системалары үзәгенең мөмкинлекләрен киңәйтергә кушты
- Чаллыда табиблар йөрәге уң якта урнашкан пациентны коткарган
- Татарстан Рәисе Дәрвишләр бистәсендә «БлагоДарю» социаль адаптация үзәгендә булды
- Белгеч этнең кешедәге яман шешне ничек билгели алуы турында сөйләгән
