Мәскәүдә Дәүләт Кремль Сараенда XI Халыкара «Добровидение» халык җырлары фестиваленең Гала-концерты узды. Илнең төп сәхнәсендә төрле илләрдән иң яхшы халык җырларын башкаручылар, әйдәп баручы фольклор төркемнәре һәм данлыклы солистлар җыелды.
Гала-концертта Камал театрына «Зәңгәр шәл» спектакле өчен «Ел премиясе» бирелде. Бүләк тантаналы рәвештә актёрлар – Ришат Әхмәдуллин һәм Рәйхан Габдуллинага тапшырылды. Бу хакта Бөтендөнья татар конгрессы матбугат хезмәте хәбәр итә.
- «Зәңгәр шәл» – Камал театры сәхнәсендә 100 ел бара торган спектакль. Ул Кәрим Тинчурин режиссёрлыгында 1926 елның 20 декабрендә сәхнәгә чыгарыла. Әсәрнең татар театрында якынча 6-7 куелышы булган, режиссёрлар арасында Ш.Сарымсаков, М.Сәлимҗанов һәм Ф. Бикчәнтәев бар.
Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.
Related
- Рөстәм Миңнеханов: «Заманча инфраструктура – авыл территорияләрен үстерү өчен мөһим шарт»
- Татарстан Рәисе Пилотсыз авиация системалары үзәгенең мөмкинлекләрен киңәйтергә кушты
- Чаллыда табиблар йөрәге уң якта урнашкан пациентны коткарган
- Татарстан Рәисе Дәрвишләр бистәсендә «БлагоДарю» социаль адаптация үзәгендә булды
- Белгеч этнең кешедәге яман шешне ничек билгели алуы турында сөйләгән
