Бүген Түбән Кама үзәк хастаханәсеннән «Түбән Кама Нефтехим»дагы һәлакәттә зыян күргән ике пациент чыгарыла.
Киләчәктә алар диспансер күзәтүе астында булачак, реабилитация узачак, – дип язды үзенең каналында Татарстанның сәламәтлек саклау министры Альмир Абашев.
Республика клиник хастаханәсенә җибәрелгән 6 пациентның да уңай динамикасы күзәтелә, ди табиблар. Мәскәүнең әйдәп баручы клиникаларында медицина ярдәме алучыларның хәленә бәйле дә шундый ук хәбәр бирделәр. Дәваланучының берсенә күптән түгел операция ясалган, табиблар аның хәлен тотрыклы дип бәяли.
Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.
Related
- Рөстәм Миңнеханов: «Заманча инфраструктура – авыл территорияләрен үстерү өчен мөһим шарт»
- Татарстан Рәисе Пилотсыз авиация системалары үзәгенең мөмкинлекләрен киңәйтергә кушты
- Чаллыда табиблар йөрәге уң якта урнашкан пациентны коткарган
- Татарстан Рәисе Дәрвишләр бистәсендә «БлагоДарю» социаль адаптация үзәгендә булды
- Белгеч этнең кешедәге яман шешне ничек билгели алуы турында сөйләгән
