Қазақстанда алдағы екі жылда инновациялық дамуға 10 млрд теңге жұмсалады, деп хабарлайды LS.
Цифрлық даму министрлігінің бюджеттік бағдарламасына сәйкес 2024-2025 жылдарға арналған шығыстардың жалпы көлемі 9,8 млрд теңгеге тең. Оның ішінде биыл – 4,9 млрд теңге.
Алдыңғы екі жылда бұл салаға 10,7 млрд теңге инвестицияланды.
Ақша елдегі IT экожүйесін дамытуға бағытталады. Оның ішінде елордалық хаб базасында экспорттық акселерацияға қатысушылар жасаған шетелдік келісімшарттардың көлемін 2026 жылы 120 млн теңгеге дейін жеткізу жоспарлануда. 2024 жылы 100 млн теңгенің көрсеткіші жоспарланған.
Қаржыландырудың жалпы көлемінен айтарлықтай үлесі Астанадағы IT-стартаптардың халықаралық технопаркі базасында инновациялық экожүйені құруға бөлінеді: биыл – 4,3 млрд теңге, келесі жылы – 4,2 млрд теңге. Шығыстар акселерациялық және білім беру бағдарламаларына, ақпараттық-коммуникациялық технологиялардың жетістіктерін танымал ету жөніндегі қызметтерге және т.б. бағытталатын болады. Бұл елдің ғылыми-техникалық әлеуетін арттырады деп күтілуде.
Бұған дейін, LS редакциясы Қазақстан экономикасын миллиардтаған теңгеге арттыруға жасанды интеллект көмектесетіні туралы материал жариялаған болатын.
