Республикада рус теле һәм математика буенча Бердәм дәүләт имтиханнарының нәтиҗәләре билгеле.
Быел чыгарылыш сыйныфны тәмамлаучы 16 314 укучы рус теле буенча БДИ тапшырган. Уртача балл – 66,66 (узган елда – 65,05). 40 укучы минималь балл җыя алмаган. 71 е (былтыр – 31) рус теле буенча 100 балл туплаган.
Профильле математика буенча имтиханны барлыгы 9595 укучы тапшырган. Уртача балл – 71,40 (2025 елда – 68,68). 152 укучы минималь балл җыя алмаган. Ә 137 се (былтыр – 11) әлеге фән буенча 100 балл туплауга ирешкән.
База дәрәҗәсендәге математикадан исә җәмгысы 6700 укучы БДИ тапшырган. Уртача билге – 4,39. Шул ук вакытта 98 бала имтиханны бирә алмаган.
Сүз уңаеннан, хәзерге вакытта Татарстанда “Яшьләр һәм балалар” илкүләм проекты гамәлгә ашырыла.
Related
- Казанда Зөлфия Камалова истәлегенә концерт узачак
- Татарстан Россия төбәкләре арасында сөт җитештерүне күпкә арттырган алдынгылар исәбенә кергән
- Югары уку йортларына түләүле урыннарга кабул итү кампаниясе 30 сентябрьдә тәмамлана
- 1 сентябрьдән поездда йөрүнең яңа кагыйдәләре үз көченә керә
- Рөстәм Миңнеханов: «КФУның Каһирәдәге филиалы ике меңнән артык студент әзерли»
