Казан ипподромында 20 июньдә Казанда узачак Сабан туена багышланган ат чабышлары башланды. Аларда Россиянең төрле төбәкләреннән 200дән артык ат һәм жокейлар катнаша.
«Казан ипподромындагы чабышлар – ул традицион бәйрәм, ат спорты белән шөгыльләнүчеләр һәм шәһәр халкы бу турыда белә. Без бу чарага карата зур кызыксыну күрәбез, һәр чабышта уннан артык җайдак катнаша. Безгә төрле төбәкләрдән спортчылар килде. Традиция буенча без бу мәдәниятне бик күп кешегә күрсәтәбез», – дип сөйләде «Татар-информ»га ипподром директоры Гаяз Идиятуллин.
Ул искәрткәнчә, Казан ипподромында узган соңгы масштаблы ат чабышлары «Казанфорум» вакытында оештырылган иде – ул вакытта анда бик күп дәрәҗәле кунаклар, шул исәптән халыкара дәрәҗәдәге кунаклар килгән иде.
Беренче чабышта Казаннан мастер-жокей Айрат Ишназаров Марий Эль исемле аты белән җиңүгә иреште.
«Без бик озак әзерләндек һәм бу җиңүне көттек. Әлбәттә, яңгырлы һава торышында катлаулырак, әмма мәйданчык яхшы», – дип хис-кичерешләре белән уртаклашты җиңүче.
Related
- «Россия – АСЕАН» саммиты кунаклары өчен Индонезия белән Малайзия ризыклары әзерләячәкләр
- Казан командасы «Россия лидерлары» бәйгедә җиңү яулады
- Рөстәм Миңнеханов «Россия» ААҖ Директорлар советы рәисе Михаил Клишин белән очрашты
- Мөхәммәтшин: «Башлангыч тавыш бирүдә катнашучыларның ышанычын акларга тырышачакбыз»
- «Зәңгәр шәл» спектакле XI Халыкара «Добровидение» халык җырлары фестивале лауреаты булды
